TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Mbrojtjes, Ermal Nufi, ka komentuar zhvillimet e fundit në Samitin e NATO-s të zhvilluar në Ankara, ku u konfirmua se takimi i ardhshëm i Aleancës Trans-Atlantike do të mbahet në Tiranë.
Përmes një postimi në rrjetet sociale, duke e cilësuar mbajtjen e Samitit të radhës të NATO-s në Shqipëri si një moment historik, ministri Nufi tha se vendimi pasqyron besimin që aleatët kanë te vendi ynë.
Nufi shtoi gjithashtu se mbajtja e Samitit të radhës së NATO-s në Shqipëri, është vlerësim për angazhimin e palëkundur të Shqipërisë ndaj vlerave euroatlantike, mbrojtjes kolektive dhe sigurisë rajonale.
"Një moment historik për Shqipërinë.
Vendimi për të pritur Samitin e ardhshëm të NATO-s në Shqipëri pasqyron besimin që Aleatët tanë kanë tek vendi ynë dhe vlerëson angazhimin tonë të palëkundur ndaj vlerave euroatlantike, mbrojtjes kolektive dhe sigurisë rajonale.
Është një nder i madh të mirëpresim liderët e NATO-s dhe jemi të gatshëm ta përmbushim këtë përgjegjësi me krenari", ka shkruar Nufi në rrjetet sociale.
