TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një kamion është përmbysur paraditen e sotme në zonën e Drogostunjës, në Librazhd, duke shkaktuar bllokimin e plotë të qarkullimit rrugor dhe vështirësi të konsiderueshme në lëvizjen e automjeteve.
Sipas informacioneve nga vendngjarja, aksi rrugor ka mbetur i bllokuar për më shumë se një orë, ndërsa dhjetëra drejtues mjetesh janë detyruar të presin në radhë të gjata deri në normalizimin e situatës.
Pamjet e siguruara tregojnë radhë kilometrike kamionësh dhe automjetesh të krijuara në të dyja korsitë e rrugës, si pasojë e aksidentit që paralizoi përkohësisht qarkullimin në këtë segment.
Deri më tani nuk ka informacion zyrtar për persona të lënduar, ndërsa pritet ndërhyrja e mjeteve të specializuara për largimin e kamionit nga rruga dhe rikthimin e qarkullimit normal.
Në vendngjarje ndodhen forcat e Policisë dhe shërbimet përkatëse, të cilat po menaxhojnë trafikun dhe po punojnë për zbardhjen e rrethanave të aksidentit.
