AKTUALITET, 13 Maj 2024, 17:59

I dënuar në Shqipëri për trafik droge, arrestohet shqiptari në Itali

I dënuar në Shqipëri për trafik droge, arrestohet shqiptari

Policia italiane ka vënë në pranga një shtetas shqiptar të kërkuar nga Interpol Tirana.

Operacioni është zhvilluar në Ostia, ku në pranga ka rënë një 31-vjeçar shqiptar. Ai ishte subjekt i një urdhri europian arresti, lëshuar nga autoritetet shqiptar.

Siç shkruajnë mediat italiane, shqiptari duhet të vuajë në Shqipëri një dënim prej 3 vjet, 11 muaj dhe 22 ditë për trafik ndërkombëtar droge. Pas procedurave paraprake, 31-vjeçari shqiptar është dërguar në burgun e Regina Coeli në pritje të ekstradimit në Shqipëri.