TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretar i Përgjithshëm i PS-së, Blendi Klosi, tha se përkundër disa momenteve të tensionit, procesi i votimit të kryetares në detyrë të Himarës, Blerina Bala ishte i qetë.
Klosi u shpreh se procesi ka qenë i bazuar tërësisht në ligj.
“Një grup shumë i vogël njerëzish u përpoqën të prishin mbledhjen e këshillit bashkiak. Për qytetarët dhe për forcat politike duhet të sqarohet se zgjedhja e Balës ishte në mënyrë krejt legjitime, pas dorëheqjes së parevokueshme të Jorgo Goros, për arsye të tij, të cilat tashmë dihen. Ishin dy nënkryetarë në bashkinë e Himarës aktualisht. Njëri prej tyre u tërhoq nga gara, dhe Blerina Bala u zgjodh me vota si drejtuese në detyrë e Bashkisë së Himarës”, tha ai për Abcnews.
