TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Çdo sipërmarrje e re me ide novatore mund të aplikojë përmes portalit “e-Albania” brenda një afati 30 ditor për të fituar mbështetje financiare. Ministrja e Shtetit për Sipërmarrjen dhe Klimën e Biznesit, Delina Ibrahimaj tha se janë 300 milionë lekë të vëna në dispozicion për vitin 2024 nga Qeveria Shqiptare përmes këtyre granteve synohet mbështetja e startup-eve në vlerë deri në 9 mln lekë.
Ministrja Ibrahimaj njoftoi se së shpejti do të prezantohet Strategjia për Sipërmarrjet Inovative, e cila do të ndihmojë në ristrukturimin e start up-eve.
Përmes kësaj thirrjeje, Ministria e Shtetit për Sipërmarrjen dhe Klimën e Biznesit dhe Agjencia e Startup Albania synojnë mbështetjen financiare deri në 75 projektet më të mira, me qëllim ndërlidhjen e ideve inovatore për zhvillimin e bizneseve ekzistuese, veçanërisht në sektorët prioritar të Qeverisë.
