TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas rasteve të shpendëve të egër të konstatuar me virusin H5N1 në bregun e detit në Gjirin e Vlorës, autoritetet kanë rritur kontrollet nëpër pularitë e Vlorës. Bashkë me kontrollet përfaqësues të drejtorisë së veterinarisë kanë nisur edhe një fushatë sensibilizimi për masat dhe higjienën.
“Gjatë kontrollit veterinar, që u bë në këtë kompleks, nuk ka asnjë ngordhje në shpendë, janë sensibilizuar punëtorët, stafi drejtues, janë nën mbikëqyrje veterinare“, shprehet mjeku veterinar, Demir Dervishaj
Referuar kontrolleve në terren, autoritetet thonë se rastet e shpendëve të ngordhur janë sporadikë dhe bëhet fjalë kryesisht për shpendë uji.
