TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në GJKKO po zhvillohet seanca e radhës për ish-ministrin e Shëndetësisë, Ilir Beqaj në çështjen e Sterilizimit. Në këtë gjyq, ish-ministri nuk qëndron më në kafaz, por ulet në krah të avokatëve ndërsa në sallë u shoqërua nga forcat e Policisë së Burgjeve.
Në seancën e 21 majit, ish-ministri paraqiti 16 kërkesa paraprake ndërsa sot para trupi gjykues artikuloi kërkesën që të përjashtohen disa prova dixhitale, duke argumentuar se bien në kundërshtim me Kodin e Procedurës Penale, konventat ndërkombëtare, si edhe me vendime të Gjykatës së Lartë dhe Gjykatës Kushtetuese.
Ai ngriti gjithashtu dyshime mbi laboratorin dixhital të SPAK-ut, duke pretenduar se nuk disponon akreditimet dhe standardet e nevojshme ndërkombëtare për trajtimin e provave elektronike.
“Kërkoj të përjashtohen disa prova dixhitale, pasi bien në kundërshtim me Kodin e Procedurës Penale, konventat ndërkombëtare, vendimin unifikues të Gjykatës së Lartë dhe dy vendime të Gjykatës Kushtetuese. Kam rezerva për laboratorin e SPAK. Laboratori dixhital i SPAK-ut nuk ka akreditim, nuk ka standarde ISO dhe nuk e dimë cili është enti që e ka certifikuar. E kemi pyetur për këtë standard, por nuk kemi marrë përgjigje”, tha Beqaj.
