TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas arrestimit të kryebashkiakut të Tiranës, Erion Veliaj më (10 shkurt) duket se gezimu dhe ekzaltimi ka kapluar edhe Belind Këlliçin.
Këlliçi ka rikthyer posterin e fushatës së tij elektorale për Bashkinë e Tiranës, 14 maj 2023 me dy gishtat e mesit lart, i cili u cilësua i papërshtatshëm në atë kohë.
Përmes një postimi në rrjetet sociale, ai shkruan se ky poster sot është më aktual se kurrë.
“Për të gjithë ata që u “tronditën” nga posteri im elektoral në 2023, u them se sot është dita që ky poster merr më shumë kuptim se kurrë”, shkruan Këlliçi.
Kryebashkiaku i Tiranës Erion Veliaj u arrestua më 10 shkurt, me urdhër të SPAK. Sipas Prokurorisë së Posaçme, Veliaj dyshohet se së bashku me bashkëshorten e tij krijoi një skemë korruptive, mes kompanive të Ajola Xoxës dhe një grupi biznesmenësh pranë tij.
Xoxa është në arrest shtëpie, ndërsa në burg është dërguar edhe biznesmeni Elman Abule. 5 biznesmenët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha u lanë në detyrim paraqitjeje.
