AKTUALITET, 11 Shkurt 2024, 15:21

E mitura në Fier tentoi t’i japë fund jetës me fostoksinë, deputeti: Të ndalohet importi i “karameles” vdekjeprurëse

E mitura në Fier tentoi t’i japë fund jetës me

Një ngjarje e rëndë është shënuar ditën e sotme në Fier, ku një adoleshente ka tentuar t’i jap fund jetës duke pirë fostoksinë.

Policia njofton se në spitalin rajonal të Fierit është paraqitur një shtetase e mitur, 15 vjeçe, pasi dyshohet se ka konsumuar lëndë helmuese (fotoksinë), e cila ndodhet jashtë rrezikut për jetën.

“Në datën 10.02.2024, rreth orës 20:40, në spitalin rajonal të Fierit është paraqitur një shtetase e mitur, 15 vjeçe, pasi dyshohet se ka konsumuar lëndë helmuese (fotoksinë). Ajo ndodhet jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, njofton policia.

Konsumimi i fostoksinës për të kryer vetëvrasjen po bëhen një fenomen i përhapur çdo ditë e më shumë. Gjatë javëve të fundit janë shënuar disa raste tragjike.

Pasi në Fier u regjistrua një tjetër rast i konsumimit të fotoksinës, deputeti Tritan Shehu i bën thirrje autoriteteve shtetërore që të marrin masa për të ndaluar importin e këtij helmi toksik duke e zëvendësuar atë me pestidice të tjera. Ai thotë se rastet që i japin fund jetës me fostoksinë duhet të kishin alarmuar shoqërinë.

"Vrasesit ne “aktivitet”, Shteti i mbeshtet qofte dhe me heshtje! Fostoksina perseri, mjet tentative vetevrasje. Ne Fier nje 15 vjecare merr kete helm te fuqishem. Fatmiresisht, si komunikohet, ka marre ndihmen mjekesore brenda atij afati shume te shkurter gjate te cilit kjo mund te jete e efekeshme. Uroj te jetoje e gezoje shendet te plote! Edhe sa jete duhet te humbin qe institucionet, bashkefajtore ne krim, te bejne detyrat e tyre: 1- Ndalimin e importit te Fostoksines duke e zevendesuar ate ne farmakopene bujqesore me te tjere pesticid, jo ose me pak toksik.

2- Ndalimin e tregetimit te ketij helmi si “karamele” deri ne zhdukjen e plote nga qarkullimi.

3-Procedimet e denimet sipas ligjit te pergjegjesve per vazhdimin e importit dhe tregetimin kriminal re saj.

Permasat e ketyre tragjedive ne vendin tone, ku Fostoksina eshte kthyer edhe ne nje stimulues psikologjik i vetevrasjeve, duhej te kishin alarmuar:

-Te gjithe shtetin shqiptar, nga nivelet me te larta.

– Mediat tona ne teresi.

-Opinionin e gjere publik.

Ndryshe vdekjet makabre vetem do vazhdojne te shume fishohen, si nje deshmi e forte e krizes sociale, psikologjike, te shpreses etj qe po kalon vendi yne!

E indiferences apo bashkepunimit ne krim te institucioneve tona"-thuhet në reagimin e deputetit Shehu.