TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Andi Bushati, i ftuar në emisionin "Të Paekspozuarit" në MCN TV, ka folur për protestën e qytetarëve, duke deklaruar se nuk ka nevojë për teori konspirative me Greqinë dhe vende të tjera fqinje për të kuptuar se ç'po ndodh. Bushati tha se kjo është një ndeshje mes hajdutëve dhe të vjedhurve dhe se kush u fryn teorive konspirative, mbron hajdutët.
"Mendoj se kjo protestë nuk është as një çështje debati midis marksistëve dhe kapitalistëve, as midis atyre që duan mjedisin dhe atyre që duan zhvillimin, as mes patriotëve dhe atyre që mbrojnë interesat e Greqisë, në thelb kjo është ndeshja e madhe midis hajdutëve dhe të vjedhurve! Këto janë dy grupimet që ndeshen, një kastë që vjedh dhe një popull që ndihet i vjedhur.
Çdo tentativë për të bërë konspiracionizëm, patriotizëm, pro kapitalizëm, është mashtrimi për të mbrojtur hajdutët. Kë dëgjoni që mbron këto teza, është avokat i hajdutëve. Pse kam arritur në këtë konkluzion? Arradha që shqetësohen për investitorët, Greqinë, ambientalistët, janë avokatë të hajdutit. Sepse ne duhet të zbresim në gjenezë të çështjes. Na thuhet, investime të mëdha, po vjen dhëndri i Trump, 4 mld euro, po çfarë investime të ketë Shqipëria? Po të na duhej investim në Zvërnec, sot Vlora ka një plan urbanistik, i bërë me specialistë, me urbanistë, ambientalistë, me ekonomistë, i cili nuk e parashikon Zvërnecin, si zonë që duhet të ndërtohet turizmi elitar.
Thonë se do të vijë Trump, do të vijë Kushner. Shumë mirë, por jo të ndërrojmë ligjet për Kushnerin, jo të japim leje zhvillimore, për Kushnerin, pa patur një projket. Janë bërë një sërë shkeljesh. Kjo na tregon, që këtu primar nuk ka qenë zhvillimi, këtu primar ka qenë ajo që flasim prej vitesh, i duhet Ramës ti bëjë gojore dikujt për të shpëtuar lëkurën e vet si hajdut, dhe fal llokma Shqipërie duke shkelur ligj, norma, për të arritur një qëllim të vetin.
A është ky interes i shqiptarëve? Çështje zhvillimi? Çështje që po shqetëson Greqinë, Kroacinë dhe Malin e Zi? Apo duhet të na shqetësojë ne, që jemi kthyer në republikën e një njeriu të vetëm, që shpërndan llokma për të na sunduar ne më shumë? Kjo e Zvërnecit është si e Portit të Durrësit. Thoshin nuk do të vijë Alabari, por grupi Emaar. Nu ka Emaar. Do të bëhen 2 mld investime të huaja. S'ke as 10% para të Alabarit por të shqiptarit që blejnë apartamente.
Pra, ta zhveshim fabulën nga të gjitha këto që janë ngritur përreth dhe ta shohim si konflikt që njerëzit që janë në rrugë e kanë kuptuar, ky është konflikti mes hajdutëve dhe të vjedhurve", deklaroi Bushati.
