TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka ndarë një video që nis me ‘prapaskenat’ para Konferencës Ndërqeveritare.
Ai ndodhet në një sallë bashkë me ministrat Ferit Hoxha, Besfort Lamallari, Toni Gogu e Delina Ibrahimajn, si dhe kryenegociatoren Majlinda Dhuka duke diskutuar sesi do të vijojë axhenda.
Edi Rama: Ça kemi tani, çfarë do bëjmë?
Ferit Hoxha: Të zakonshmen. Presidenca hap mbledhjen, pastaj e merr fjalën Marta Kos dhe thotë fjalët më të mira, për hir të së vërtetës, presidenca e Qipros ka qenë shumë e mirë. I jep fjalën hapëse kryeministrit, fjala mbyllëse është përmbajtësore, fjala hapëse është e bukur.
Në një moment tjetër të videos, ndërsa shqyrton edhe disa dokumente, kryeministri nuk i la batutat.
Edi Rama: We accept (ne pranojmë) do ta themi tani...
Majlinda Dhuka: Po patjetër, se është për efekt të procedurës.
Edi Rama: Do you accept to marry him?(Pranon ta marrësh për burrë?) Yes, i do. (Po, pranoj.) Do you accept to marry her? (Pranon ta marrësh për grua?) Yes i do. (Po, pranoj.)
Pjesa tjetër e videos është një përmbledhje e disa momenteve nga takimi me Marta Kos, ku kjo e fundit hipën në një shkallë për t’u përqafuar me Ramën, ndërsa kryeministri s’ka lënë jashtë as momentin e puthjes së shkëmbyer gjatë konferencës.
“Mirëmëngjes dhe me krenarinë për Shqipërinë çdo hap e më shumë Europiane, ju uroj një ditë të mbarë”, është shkrimi që shoqëron videon.
