TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i Partisë Demokratike, Sali Berisha ka komentuar fitoren e Trump. Ai theksoi se rikthimi i Donald Trump në skenën politike është një mësim për qytetarët shqiptarë, duke theksuar se kjo ngjarje dëshmon se "rikthimi është i mundur dhe është i jashtëzakonshëm".
Ai shtoi se, për Trump, ky rikthim është jo vetëm një ngjarje tokësore, por edhe një rikthim hyjnor, duke përmendur përpjekjet që janë bërë për të shpallur presidentin e SHBA-ve, duke e cilësuar situatën si një tentativë për të penguar atë.
"Të dashur miq, ngjarja e djeshme ka ndryshuar Amerikën, dhe për aq sa Amerika ndikon në botë, edhe botën.
Ajo ka disa mësime të mëdha për shqiptarët. Mësimi i parë për qytetarët shqiptarë është se, rikthimi është i mundur, rikthimi është i jashtëzakonshëm. Rikthimi i Donald Trump, pasi u përpoqën me atentate të përcaktonin presidentin e SHBA-ve është rikthim sa tokësor, aq edhe hyjnor.
Por, siç e dini dhe ju, Sali Berisha u rikthye pas rebelimit komunist. Përballoi bomba, atentate dhe çdo gjë. Por besimi i tij te shqiptarët dhe i shqiptarëve tek ai bën që i të jetë kryeministër në vitin 2005-2013. Mos harroni, ju lutem, mos harroni kurrë takimin tonë të parë në hotel Rogner në mbledhjen e parë të Rithemelimit.
Në atë takim unë u rrëfeva ju se, një president i SHBA-ve i kishte thënë një mikut tim kur ai po fliste për mua, se në ujërat e një lumi nuk lahesh dot dy herë. Unë, atë shtator të 2021 isha personi që në ujërat e një lumi isha larë dy herë, por u zotova se do të lahem edhe herën e tretë! Është radha jonë, është radha jonë, është radha jonë!" - tha Berisha.
