TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Seanca gjyqësore ndaj Ruben Saraivas, i cili akuzohet si autori i vrasjes së biznesmenit Ardian Nikulaj është shtyrë për në datën 16 tetor.
Sipas avokatit te tij Kujtim Cakrani prokuroria nuk ka ecur me çështjen, sipas Cakranit provat që janë paraqitur nuk janë të mjaftueshme për implikimin e tij në këtë çështje.
Saraiva vazhdon të mbajë të njëjtin qëndrim para togave të zeza, e po ashtu është shprehur se do të jete në gatishmëri te drejtësisë shqiptare
“Sot ishim këtu për zëvendësimin e masës së sigurisë dhe raportin 2 mujor që prokurori duhet t’ia paraqiste gjykatës.
Prokuroria nuk ka ecur me hetimet. Kërkova sot ndryshimin e masës së sigurisë sepse nuk ka asnjë provë që të vërtetojë se ky person ka kryer veprën penale për të cilën hetohet, sepse e jemi në fazë hetimesh jo akuze”, shprehet avokati.
